Turn-Over-of-Housing-Project-12

Image 2 of 12

SYENTO SYETE (107) NGA KA MGA BENIPISARYO KUNG BRIONES HOUSING VILLAGE, MALIPAYON SA BAG-O NANDANG MGA PANIMAEAY

BY: DONIEL B AGUIRRE

Malipayon gid ro syento syete (107) nga ka mga benipisaryo it libreng pabaeay kung National Housing Authority NHA ag kilaea man sa tawag nga Briones Housing Village nga makit-an sa Barangay Briones, Kalibo, Aklan matapos nga andang nahabaton ro yabi it andang panibag-ong baeay sa ginhiwat nga turn over ceremony kung Banwa it Kalibo sa pagpamuno ni Mayor Emerson Lachica ku nagtaliwan nga dominggo.

Suno sa mga bag-ong residente it Barangay Briones, madali eang man kun magpa banwa kun sanda hay may ginabakae. Sa andang pagpahayag, mabahoe gid nga bulig sa mga owa it eogta ag baeay nga ma-istaran ro programa ku munisipyo it kalibo.  Nagapasaeamat gid sanda sa Lokal nga Gobyerno it Kalibo sa pagpamuno ni Mayor Emerson Lachica ag ku NHA tungod sa ro mga tawo nga naga-istar maeapit sa peligro it baha eabi gid kun may bagyo hay may bag-ong gina-istahan nga eowas sa baha ag sa ibang mga peligro   

Presente man sa pagbahiwas it mga housing units ro dating Alkalde it Banwang Kalibo nga si Mayor William Lachica. Kun matandaan, nag-umpisa ro proyekto sa anang pag-administrar it Banwa. Tuyo it rondayang proyekto nga hibu-oe ro mga pumoeoyo nga naga-istar sa danger zones matapos ku pag-agi it bagyong yolanda ku dag-on 2013.