Business Tax payments gin extend!

Ro pagbayad it Business Tax o buwis, hay ginpaeawig maghalin sa Pebrero 20, hasta sa Marso 31, it rayang dag-on. (February 20, 2022 – March 31, 2022).

Ginkasugtanan it Local Finance Committee sa ginhiwat nga hinun-anon ko Enero 27, 2022, sa pagpanguna ko aton nga mabinaeak-on nga Mayor Emerson Sucgang Lachica ro pagpaeawig it pagbayad it buwis.Nabatyagan gid ko atong mahugod nga Mayor ro kalisud it pangabuhi kapin pa sa sektor it ekonomiya, kaibahan eon kara ro atong mga igmanghod nga mga negosyante nga indi eagi makabayad it buwis sa nakataeana nga petsa it bina-eayran, bangud sa gina-atubang gihapon nga krisis daea it pandemya.

Raya man hay sa pagsunod sa Section 16 it RA 7160 (Local Government Code of the Philippines), para sa epektibo ag progresibo nga pagdumaea ko atong banwa, nga ginkasugtanan ag gin aprobahan man eagi it Local Finance Committe ko Enero 27, 2022.Ro dayang Resolusyon hay ginsumite eon insigida sa Sangguniang Bayan it Kalibo para sa nagaka-igo nga aksyon.