Pagselebrar it ika 27th Police Community Relation Month ag Pagkilaea sa mga Opisyales ag Myembro it Kalibo Municipal Advisory Group Ginhiwat

By Cristine Vargas Dejuan

Ku Hunyo 4, 2022 it 3:00 PM, ginhiwat ro Motorcade ag Kick-Off Ceremony it ika 27th Police Community Relation Month nga ginpangunahan ni PMAJ Jasson C Belciña nga may temang ” Ugnayan Pulisya at Komunidad tungo sa Mapayapa, Maayos at Maunlad na Pamayanan”. Bago mag-umpisa ro nasambit nga programa,ginpangunahan ra it pagpangamuyo ni Pastor Robert Ong Velasco, Ginsundan it Pambansang Awit ag Aklan Hym. Gin abi-abi man ni PLT ABDON DE MATEO, Deputy Chief of Police for Administration ro tanan nga mga haeangdon nga bisita ag nagakasari- saring ahensya it gobyerno sa anang Welcome Remarks. Ginpadayon ni PLT AUBREY R AYON, Deputy Chief of Police for Operation ro pagpakilaea sa mga myembro it Municipal Advisory Group ag kaibahan ro mga responsiblilidad ag obligasyon it nasambit nga advisory group. Hambae na, “The Municipal Advisory Group, they are the one in- charge to advice, assist the PNP and of course the Kalibo Police Station in identifying priorities and issues in accordance of implementation of PNP Patrol plan 2030 and other related PNP plans.”Si G. Paul John D Mirto, chairperson it Municipal Advisory Group (MAG) hay nagta-o man it mensahe para sa mga myembro. Ro masunod hay pagtao it Certificate of Appreciation sa mga myembro it MAG. Nagpa-abot man it mensahe si Mayor Juris B. Sucro, atong mahae nga Alkalde it Banwa it anang pagdayaw ag hugot nga suporta sa atong mga kapulisan. Handum gid ni Mayor Sucro sa anang pagdumaea hay mapamayad-ayad ag magpangibabaw ro atong Kalibo Police Station sa ibang lugar sa hanay it pagpanerbisyo sa pumueoyong kalibonhon. Viva! Bag-ong Kalibo