Municipal Health Office It Kalibo, Iga-Edukar Ro Mga Empleyado It Munisipyo Nahanungod Sa Proseso It Contact Tracing

By: Doniel B Aguirre

Refer to: Engr. Jessie C Fegarido, Station Manager, Radyo Natin Kalibo

Haum gid ro Municipal Health Office It Kalibo nga maghimo it pag-edukar sa mga empleyado it munisipyo parte sa kun ma-uno gina-obra ro contact tracing sa lugar it trabaho sa tiempo nga may una nga empleyado nga maka-angkon it COVID – 19 infection. Raya ro ginpa-abot nanday Mr. Hernan Lorenz Laserna, Nurse II ag Mr. John Michael Lachica, Nurse I kung Municipal Health Office sa ginpatigayon nga regular session ku Sangguniang Bayan It Kalibo paage sa zoom teleconferencing. Suno kanda, pwede gid nga ma-obra ro hinyo ku konseho nga i-eksplekar sa mga empleyado kun paano ginahimo ro contact tracing agud indi mag-kabaeaka ag malikawan ro diskriminasyon pero ro pag-edukar sa mga empleyado hay limitado eamang ro numero it tumaeambong ag ro iba nga empleyado nga indi makapasakup hay sugiran eon lang it andang mga kaibahan.

Angot man sa naga-inabo nga numero ku kaso it COVID – 19 inspection, sigidas ro ginahimo nga information dessimination, contact tracing, imaw man ro pagpadaeagan it isolation facilities, disinfection it mga nagapangunang mga lugar sa Banwa It Kalibo, swab testing ag iba pa gid nga mga aktibidad agud punggan ro madasig nga pag-eapta it virus. May mga empleyado man gin-una nga ginabakunahan makaron, gina-paeabi man ratong may mga co – morbidities ag mga senior citizens.