By: Doniel B Aguirre

Ginkilaea eon bilang mga nagdaea-ug sa paindes-indes nga Sustainable Home Grown Food Project ku Munisipyo it Kalibo ro mga nag-entra sa daywang (2) ka mga kategorya kaparehas ku Communal Edible Garden ag Home Edible Garden halin sa nanari-saring Kabaranggayan sa Banwa it Kalibo ku Hulyo 29, sa 3rd floor it New Kalibo Municipal Building. Sa Communal Garden Category, rong 4TH Runner Up hay si Ms. Marjorie P Asilo it Barangay New Buswang, Kalibo nga may Average Rating nga 76% ag nagbaton imaw it P5,000, ro 3RD place hay si Ms. Shelahani Amor T Abello it Barangay Tinigaw ag nagdaug it P10,000 ag rong 2ND place hay si Ms. Rowena A Ebon it Barangay Andagao nga nagbaton it P15,000 Cash ag rong Grand Winner hay si Ms. Wendy C Tolentino it Barangay Nalook nga nag-uli it P30,000 Cash.

Samtang sa Home Garden Individual Category, ro mga nagdaea-ug hay ro mga masunod: 3RD Prize Winner hay si Mr. Joel P Magallanes it Barangay Tinigaw nga nagbaton it P5,000 Cash, 1ST Runner Up hay si Erla Adela Magallanes nga nag-uli it P 7,000 it Barangay Tinigaw, Kalibo ag rong Grand Prize Winner nga nagbaton it P 10,000 Cash hay si Maria Conhita I De Felipe it Barangay Tinigaw. Ro Consolation Prize Winners nga nagbaton it tig P4,750 ro kada sambilog hay ro mga masunod: Rosalyn Odinada, Marites Magbanua, Raquel Lachica, Roselie Magdaluyo, Elinor Cipriano, Juvelyn Custodio, Emeralda Ame, Maria Flores Bernabe, Myrna Carcha ag Jonnah Marie Luwage.

Rong Sustainable Home Grown Food Project SGHF hay isaeang ka Municipal Wide nga proyekto sa katuyuan nga may bastante nga pagkaon ag nutrisyon kaeakip eon rong pag-pakilaea ku Ecological Solid Waste Management sa komunidad. Gin-disenyo raya agud makumbinyo ro pumueoyo, mga panimaeay ag Barangay Level nga magpartisipar sa Edible Garden Contest nga gin-lunsar ku Marso 22, 2022 sa ginpatigayon nga Women’s Month Celebration, kun sa siin ro ginakomponihan ron paindes-indes it Proper Waste Segregation, Home Composting ag Upcycling.