By: Doniel B Aguirre

Ginapa-abot makaron ni Ms. Ava Miriam Seraspi, Municipal Local Government Operations Officer VI it Banwang Kalibo sa mga Punong Brgy. nga sige pa gihapon makaron ro pagbaton kung Department of the Interior and Local Government DILG it mga aplikante agud mangin Contact Tracers.

Suno kay Seraspe sa ginhimo nga Liga ng mga Barangay meeting kahapon, Oktubre 7, 2020 sa Munisipyo it Kalibo, maabo nga mga contact tracers ro ginakinahang-ean sa parte it Kalibo makaron, rondaya para magbulig sa mga otoridad sa pagtukib kun say silin-o ro mga tawong naka katupad it tawo nga nangin positibo sa COVID 19 para ikabutang sanda sa mga Quarantine Facilities agud sarang o madali sanda magmayad ag malikawan ro pag-eapta kung SARSCOV2 COVID 19 Virus.

Ro mga intresadong Kalibonhon hay magpasa eamang ku andang Personal Data Sheet (PDS), NBI Clearance ag Letter of Intent o kun Application Letter sa Department of the Interior and Local Government Office Aklan. May inisyal nga interview ro pagahimuon ag rayon nga igapasa ro mga kinahang-eanon o requirements sa National Office. Mga ap-at 4 nga buean ro igabuhay it rondayang klase it trabaho ag rong sweldo sa sang buean hay naga-abot sa P18,000. Ro mga pasado para mangin contact tracers hay magapa-idaeom sa oryentasyon ag paghanas nahanungod sa mangin trabaho nanda ag pati man ro sa pag-amlig man nanda sa andang kaugalingon agud indi matapnan it COVID 19.