MGA KABARANGAYAN IT KALIBO, PAGA ADAPTAHON RO ORDINANSA IT POBLACION, KALIBO PARTE SA PAG-HIMO IT MGA MASS GATHERINGS IMAW MAN RO PAGBALIK IT CURFEW SA ALAS NUEVE IT GABI-I

By: Doniel B Aguirre

Nagkasugot ro mga Punong Barangay it nanari saring mga kabaranggayan sa Banwa it Kalibo nga adaptahon ro draft Barangay Ordinance no. 2021-03 an Ordinance Institutionalizing the Health Protocols & Guidelines in Holding Mass Gathering Amidst The 2019 Corona Virus Disease Covid – 19 Pandemic In Barangay Poblacion, Kalibo. Sa ginhimo nga pakikipag istorya ni Mayor Emerson Lachica sa mga Punong Barangay kahapon Mayo 24 agud ipa – abot kanda ro mga pahanumdum it gobyerno eabi gid makaron nga nagatinaas ro rekord ku mga biktima it COVID – 19 virus iya sa Probinsya it Akean. Ginpahanumdum pa gid ku Alkalde ro mga Punong Barangay angot sa Memorandum Circular No. 2021-050 nga gin-isyu it DILG ku Mayo 5, 2021 nga naga bawae sa paghimo it public gathering ag kaibahan pa gid ro advisory kung Regional Inter Agency Task Force parte man gihapon sa pagbawae sa pagpatigayon it mga mass gatherings and participation of residence coming from other LGUs.

Suno sa Alkalde, kinahang-ean gid sundon ro mga patakaran nga ginapapana-ug it gobyerno tungod nakasandig rikara ro ikamayad it eawas ku mga pumoeoyo eabi gid makaron nga nagasaka ro numero ku mga biktima it covid – 19 virus. Suportado man ni Dr. Jocelyn Garcia, Municipal Health Officer it Banwa ro pahayag it Alkalde nga nagataas ro kaso it COVID – 19 makaron. Ro pagtaas it kaso hay nakit-an it MHO Kalibo ku Mayo 7, 2021 halin sa 37 active cases, may 1 new active case, naka rekord ro MHO Kalibo it 16 confirmed cases nga nangin 48 ro active cases ag sumaka gid ra ku Mayo 16 kun sa siin ro cases hay 96 pero kahapon Mayo 24, hay nagnaba eon ro mga active cases ag nangin 47 eon lang ro active cases.

Bilang bulig man kung Kalibo Municipal Police Station sa pagpamuno ni Colonel Belshazzar Villanoche, Chief Of Police, maabo eon ro nadakpan nga owa naga – suksuk it facemask. Kumbinsido gid ro mga Punong Barangay nga rong rason sa pagsaka ku kaso it COVID – 19 hay ro mga mass gatherings, nagkasugot sanda nga adaptahon it mga kabaranggayan ro Brgy. Draft Ordinance No 2021-03 it Brgy. Poblacion, Kalibo. Pabor pa gid sanda nga ibalik it alas nueve sa gabii hasta it alas singko sa agahon it masunod nga adlaw rong curfew hours o kun pag-istrikto it oras nga maka guwa ro mga tawo. #