By: Doniel B Aguirre

Malipayon gid ro mga Day Care Workers it Banwang Kalibo sa ginpatigayon nga pag turn over it mga back packs para sa mga naka lista nga mga pre schoolers nanda sa makaron nga school year. Ro mga back packs hay ginpanupod ni Mayor Emerson Lachica, Chairperson ku Local School Board it Banwang Kalibo kaibahan ro mga miembro kara ku adlaw nga martes Oktubre 20, sa 3rd floor it Kalibo Municipal Building.

Ginpabutyag man ku Alkalde sa mga Day Care Workers nga pagatinguhaan kung school board nga mataw-an ra sanda it Christmas Bonus sa Disyembre. Ginpaliwang man ni SB Member Mark Quimpo, miembro man kung local school board nga ro mga back packs nga ginpanupod hay sambilog sa mga proyekto nga andang ginbaeay ku nagtaliwan nga dag-on. Owa gid nanda ginahuna-hunaa nga maga-abot sa Banwa it Kalibo ro pandemya nga nagresulta ku pagkansela it mga klase. Pero bisan pa nga owa eon it klase nagapati imaw nga magamit gihapon ro nahinambitan nga mga back packs.