LOCAL INTER AGENCY COUNCIL LIAC, NGA NAGA-GIYA SA HOUSING PROJECT KUNG BANWA IT KALIBO, MAGATUKOD IT BSAAC

By: Doniel B Aguirre

Sa rekomendasyon kung National Housing Authority NHA sa Local Inter Agency Council LIAC kung Banwa it Kalibo nga naga-giya sa housing project iya munisipalidad, naga – ba-eay eon makaron ro taeatapan ni Engr. Marlo Villanueva, MPDC it resolusyon agud nga matukod sa madasig nga tiempo ro benificiary selection, arbitration and awards committee BSAAC.

Igatukod man rong BSAAC matapos nga ginpatigayon ro LIAC meeting ku nagtaliwan nga dominggo, kun sa siin gin-presentar ku MPDC head sa miembro kung LIAC ro pilang ka mga dose (12) nga ka mga indibidwal kun sa siin benificiario it mga baeay sa Briones Housing village nga gin-reklamo ni Punong Barangay Rafael Briones nga owa nagsunod sa patakaran para maka-angkon it libre nga pabaeay. Ginpresentar pa gid ro problema it pilang ka mga indibidwal nga benificiario it housing unit nga nagtaliwan eon ag ro nahabilin nga pamilya hay nagapabutyag it interes sa libreng pabaeay ag may una pa gid nga naha diskwalipika kung LIAC nga kinahang-ean taw-an it aksyon it iga tukod nga BSAAC.

Presente sa pueong kung LIAC ku nagtaliwan nga dominggo ro representante kung NHA ag iba pa gid nga mga ahensya paage sa zoom teleconference platform. #