IMG_4222

Image 24 of 24

By: Doniel B Aguirre

Eubos gid ro kalipay ni Mayor Emerson Lachica sa ginhiwat nga Virtual Turn Over it completed village ville nga nahamtang sa Barangay Briones, Kalibo sa idaeom ku programa it National Housing Authority (NHA) nga Yolanda Affected Permanent Housing Project. Ginpabutyag ku alkalde nga bisan ro phase 1 pa eamang ro kumpleto nga naha-tapos, gina-ea’uman gid ku alkalde nga ro nabilin nga 400 units hay makumpleto gihapon ku (NHA), kun sa siin ginbalita man ni Engr. Rizalino G Cabahug, Acting Regional Manager Region 6 nga nagahilapit eon ro pag-umpisa ku  2nd phase it housing project.

Nagpasaeamat pa gid si Mayor Lachica kay Hon. Karlo Alexi B Nograles, Cabinet Secretary Office Of The President tungod sa imaw ra hay ginpadaeag-han ku alkalde it sueat nga nagapangayo it COVID – 19 vaccines matapos tumaas ro numero it COVID – 19 cases sa kalibo. Ginbalita ku alkalde nga may endoresement eon si Sec. Nograles kay Secretary Duque kung Dept. Of Health kun sa siin may nakataeana eon nga pag-abot it Moderna Vaccines sa Siudad it Iloilo ag may naka-alokar nga 20,000 doses para sa Banwa it Kalibo.

Mabahoe gid ro pagpasaeamat ku Presidente it Homeowners Association sa Briones Housing Village matapos nga pormal nga gin-turn over ro nahinambitan nga permanent housing project kaibahan ro mga certificate of land titles halin sa National Housing Authority (NHA) paadto sa Lokal nga Gobyerno it Kalibo. Suno kay Ms. Glorily Banez, Presidente ku Phase I it Briones Village Homeowners Association, mabahoe gid nga bulig ro libreng pabaeay sa mga Kalibonhon nga nawad-an it baeay sa pagpana-easa it Bagyong Yolanda ku 2013.