By: Doniel B Aguirre

Sa pagtakup it Nutrition Month Celebration sa Banwa it Kalibo sa buean it Hulyo, ginpadunggan it Municipal Nutrition Council sa idaeom ku pagpanguna ni Mayor Juris Bautista Sucro ro mga Barangay Nutrition Scholars BNS ag Barangay Nutrition Council BNC para sa dag-on 2021 bangud ku anda kara nga suporta sa kampanya it Gobyerno nga mag-uswag ro nutrisyon samtang nagapa-adto ro Nasyon sa New Normal dueot kung COVID – 19.

Pina-agi sa tema makaron nga dag-on nga “New Normal Na Nutrisyon, Sama-Samang Gawan Ng Solusyon!”, rong Best Performing Barangay Nutrition Scholar 2021 nga ginkilaea ku Banwa it Kalibo hay si Christina Dela Cruz, BNS it Buswang Old ag Ms. Christy Saria, BNS it Barangay Poblacion nga parehas nga nagbaton it sambilog nga Lenovo M8 Tablet.

Rong Best Performing Barangay Nutrition Committee 2021 hay rong Barangay Poblacion nga nagbaton it Certificate of Recognition ag sambilog nga Steel Cabinet. Ro nahinambitan nga mga BNS ag BNC ro nagbulig sa Gobyerno nga ipakila’ea sa mga pumoeoyo nga ro mayad-ayad nga Nutrisyon ro yabi sa pagpapag-on it Immune System, proteksyon sa mga baeati-an ag iba pa gid.