Banwa It Kalibo, Padayon Ro Pagtinguha Nga Madugangan Pa Gid Ro Naga-Abot Nga Bakuna Kontra Sa COVID – 19 Virus

By: Doniel B Aguirre

Refer to: Engr. Jessie C Fegarido, Station Manager, Radyo Natin Kalibo

Bangud ku nagatinaas nga numero it biktima it COVID – 19 virus sa Banwa It Kalibo makaron, isaeang ka resolusyon ro ginpasar ku Sangguniang Bayan It Kalibo kahapon agud magpangayo it bakuna sa gobyerno nasyonal. Suno kay SB member Augusto Tolentino, nagasakdag it resolusyon, ro nasyon hay may paea-abuton nga mga bakuna ngani ginapangabay kara ro Vaccine Zcar nga si Secretary Carlito Galvez, Jr., nga taw-an man it hueay ro Banwa It Kalibo agud masabat ro nagatinaas nga numero ku mga natapnan it SARSCOV 2 virus.

Ginpabutyag ni Tolentino nga sa Western Visayas hay nakapa idaeom ro Probinsya It Akean sa high risk nga kategorya kun sa siin kaeakip eon kara ro Banwa It Kalibo.

Suno man kay Vice Mayor Cynthia Dela Cruz, kinahang-ean gid nga ikapa-abot man ku Banwa it Kalibo sa gobyerno nasyonal ro nagatinaas nga kaso it COVID – 19 sa lokalidad agud maka-usoy man ro gobyerno nasyonal it paage nga hipadasig ro pag-abot it mga bakuna.