KAFEB, NAGABATON EON IT MAGAPASAKUP SA BALIK KULAY AG KASADYAHAN IT ATI-ATIHAN MAKARONG 2023 PHOTO CONTEST

By: Doniel B Aguirre

Refer to: Mark Mitchell Sy, Event Manager, Kalibo Ati-atihan Festival Board KAFEB

Naga-umpisa eon sa pagbaton it mga Litratistang Akeanon ro Kalibo Ati-Atihan Festival Board KAFEB nga gustong magpasakup sa Photo Contest pina-age sa tema nga “Balik Kulay ag Kasadyahan it Ati-Atihan Makarong 2023”. Ro Registration hay naga-umpisa makaron nga adlaw Biernes, Enero 6 hasta Enero 11, 2023 it mga alas 5 sa hapon. Pwedeng magpa – rehistro ro mga Professional, Amateur ag Hobbyist nga naga-edad it 15 anyos pataas kun sa siin ro Registration Form hay una mabu-oe sa Tourism and Cultural Affairs Division sa 2nd floor it Old Kalibo Municipal Building.

Ro Registration Fee hay P300.00 ag sambilog eamang nga litrato ro iga-entra. Ro pa-premyo para sa 1ST Place hay P10,000 ag Certificate, 2nD Place – P7,000 ag Certificate, 3RD Place – P5,000 ag Certificate ag Consolation Prize nga P2,000 ag Certificate. Pwedeng magbu-oe it mga litrato gamit ro tatlo (3) nga mga mensahe it Ati-atihan kaparehas ku: “Viva kay Sr. Sto. Nino!!, “Viva Bagong Kalibo!!”, “Balik Kulay ag Kasadyahan Makarong 2023” ag “Kalibo Ati-Atihan Festival naga pangibabaw sa tanan nga Festival sa bug-os nga kalibutan” maga- umpisa sa Enero 11 hasta it Enero 15, 2023. Ro mga magada-ug hay iga-anunsyo sa Enero 17, 2023 ag pagapatun-on kun paano mabu-oe ro andang premyo.

Ro kumpleto nga Mechanics it paindes-indes hay sarang ma – download sa opisyal nga Facebook Page it Ati-Atihan Festival 2023 nga (facebook.com/atiatihanfest.ph)