1ST INVITATIONAL FOOTBALL TOURNAMENT, PAGAHIWATON SA BANWA IT KALIBO

Malipayon nga ginapahisayud sa atong mga pumu-eoyo nga rong Lokal nga Gobyerno it Kalibo sa pagdumaea ni Mayor Emerson Sucgang Lachica kaibahan ro Kalibo Youth Development Office, Tourism & Cultural Affairs Division hay magapatigayon it 1ST INVITATIONAL FOOTBALL TOURNAMENT Women’s Open sa Banwa it Kalibo. Rondayang pagahiwaton nga pahampang hay may kabilugan nga pueo (10) ka mga teams nga may sarang 150 ka mga partisipantes nga naghalin nagkasari-saring lugar sa Western Visayas. Malipayon nga ginasuportahan ni Mayor Emerson S. Lachica ro nasambitan nga pahampang dahil gapati imaw nga mabahoe raya nga bulig para mabalik ro interes it mga inunga ag publiko sa Sports nga ginahampang kapareho it Football nga kung siin ro Banwa hay nakilaea nga mayad sa nasambitan nga hampang. Nagapati man si Mayor Lachica nga maga amat-amat rong pagbalik it Turismo sa Kalibo ag makilala man ro Banwa sa patag it Sports Tourism.Rayang nasambitan nga pahampang hay pagahiwaton sa Abril 3, 2022 adlaw it Dominggo alas 7:00 it agahon hasta it alas 5:00 it hapon sa ACC Annex Field Roxas Avenue Ext. Kalibo, Aklan.

by: Jhoanna Marie Simbajon

Photo: Kalibo Youth Development Office

Infographic: KPA