By: Doniel B Aguirre

Refer To: Ms. Fritzie Anne P Rillo, Information Office

Nag-umpisa eon ku adlaw nga Biernes ro pagpang-limpyo sa mga eskwelahan ag sa mga kabaranggayan it Kalibo agud punggan eon ro pagtinaas ku mga nabiktima it Dengue sa Munisipalidad it Kalibo. Suno kay Mayor Emerson Lachica sa Monday Flag Raising Ceremony kaina, kun adlaw nga Biernes, naga-umpisa it alas 3 hasta it alas 5 sa hapon ro pag-pang limpyo samtang alas 7 hasta it alas 9 sa agahon kun adlaw nga Sabado. Nagadungan ro Banwa it Kalibo sa Probinsya it Akean sa pagpang-limpyo sa mga lugar nga gina-tiniran it mga namok nga may daeang Dengue ag iba pang mga baeatian halin sa angkit it namok.

Ginpabutyag ku Alkalde nga personal nana nga gin-libot ro mga kabaranggayan sa pagpang-limpyo rason nga ana gid nga ginapasaeamatan ro mga opisyales ag mga pumueoyo ku mga kabaranggayan.