By: Doniel B Aguirre

Refer To: Ms. Fritzie Anne P Rillo, Information Office

Gina-imbitahan makaron ku Agricultural Services Division ASD it LGU Kalibo ro mga may alagang ayam ag kuring sa pagahimuon nga Veterinary Medical Mission sa Hulyo 17 adlaw nga Miyerkules it mga bandang alas 8 sa agahon sa Kalibo Magsaysay Park. Rondayang aktibidad hay ginakabuliganan nga ipatuman ku LGU Kalibo, Seoul National University – College of Veterinary Medicine, Seoul, South Korea ag ASU – School of Veterinary Medicine ag ku University Extension & Community Services Unit.

Tungod kara, ginahinyo ku ASD Kalbo sa mga Pet Owners nga ipa-rehistro anay ro mga alagang ayam ag kuring agud maka-avail it free services. Rong Registration Fee hay P50.00 sa kada ayam ag kuring nga naga-edad it 3 months ag pataas base man sa Municipal Ordinance No. 2012-015. Rong Registration Cut Off Time para sa serbisyo hay alas dos y medya sa hapon ag raya hay sa First Come First Serve Basis. Ro mga alaga hay dapat may kulungan para sa kuring agud malikawan nga maka-disgrasya. Rong Free Services hay ro mga masunod: Pet Wellness of Dogs & Cats: Deworming, Consultation, Treatment, Diagnosis, Rabies Vaccination, Vitamin Supplementation. Sa Surgery man hay ro spay ag nueter o ro pagbu-oe it obaryo o matris ag kapon sa eaeaki nga ayam.

Para maka-avail it Dog Castration o kapon, indi pagpakan-on o paimnun it tubi ro alaga sa July 16 umpisa it 12 midnight hasta gid sa oras it Surgery. Ro alaga man nga nahabakunahan para sa rabies ro maka-avail it surgery.