By: Doniel B Aguirre

Refer To: Ms. Fritzie Anne P Rillo, Information Office

Ginpangako ku bag-ong pungko nga Alkalde it Banwang Kalibo, Mayor Emerson Sucgang Lachica ro padayon nga pag-progreso it Banwang Kalibo. Sa ginhimo nga Oath Taking Ceremony kahapon Hunyo 30, 2019 sa Kalibo Magsaysay Park, ginpabutyag it bag-ong Alkalde ro anang pagpasaeamat sa mga kaibahang kandidato, mga lideres ag sa tanan nga pumoeuyo dahil nangin malinong ag mabinungahon ro bag-ong tapos nga eleksyon.   

Ana man nga gin-awhag ro anang mga kaibahang kandidato sa pihak nga partido sa anda karang suporta agud ma-agum ro padayon nga progreso it Munisipalidad. Ana man nga ginhinyo ro kooperasyon ku bag-ong miembro it Konseho nga magbaeay it mayad-ayad nga mga Ordinansa ag Resolusyon para sa kamaeayran it tanan nga Kalibonhon eabi gid ratong mga maintok. Ginhinyo pa gid nana sa mga Empleyado it Munisipyo nga ubrahon it mayad ro andang mga trabaho. Ana man nga pagatumanon ro anang mga plata porma de gobyerno, kaparehas ku tayoyon nga pagiging Business Friendly it Munisipyo, maga-dugang pa gid it mga Infrastructure Projects parehas it bag-ong Central Market, magabutang man it bastanteng bueong ag pasilidad ro mga Health & Birthing Center, pagasuportahan pa gid it anang taeatapan ro mga pamatan-on sa aspeto it Sports Program, paga-suportahan man ro Agriculture ag Aquaculture Services it Munisipyo, pagatatapon man ro mga Senior Citizens ag Persons With Disabilities.

Samtang ginpa-abot man ni Vice Mayor Cynthia Dela Cruz, ro anang pagpasaeamat kanday Vice Mayor Madeline Regalado ag Mayor William Lachica ag sa pumoeoyo it Banwang Kalibo nga nag-bot ag nagsampit kana agud mangin Public Servant. Ana gid nga ginpasaeamatan ro anang ginbuslan nga si Vice Mayor Madeline Regalado sa pagpanguna sa konseho matapos nga nagda-ug ro konseho bilang champion sa Legislative Award sa Region 6. Magahimakas man ro Konseho nga makapasar it mga Ordinansa ag Programa nga makata-o it dugang nga trabaho sa mga tawo, proteksyon sa ikamayad it eawas it mga pumoeuyo, magabaeay man it mga layi angot sa Peace & Order and Food Security, Edukasyon sa mga pamatan-on, maga-ubra pa gid it mga layi nga maga-protekta sa palibot ag sa komunidad ag maabo pang iba.