By: Doniel B Aguirre

Refer To: Ms. Fritzie Anne P Rillo, Information Office

Ginpasumpa eon ni Mayor Emerson Lachica ro bag-ong opisyales ku Municipal Agricultural & Fishery Council MAFC kahapon Hulyo 1 it rayang dag-on. Si Engr. Ricardo Agravante JR. gihapon ro napilian nga MAFC Chairperson, Vice Chairperson – Edgar Aranas, Treasurer – Myla Cipriano, Secretary – Perlita Renacido, Auditor – Adelfa Baltazar ag P.I.O. – Winston Reyes.

Nagpa-abot gid it pagpanginbulahan ro Alkalde daea man ro pangako nga pagapa-baskugon pa gid ro Agrikultura pina-agi sa pagpadaea sa mga paghanas ag pagta-o it mga makabag-ong teknolohiya. Nagpa-abot man it pagpasaeamat si Engr. Agravante sa dugang nga tatlong dag-on nana bilang MAFC Chairperson. Kaparehas gihapon ku naka-andan, pagataw-an gihapon it atensyon ag solusyon ro mga problema sa Agrikultura ag Pangisdaan pina-agi sa pagbaeay it mga Resolusyon.

Presente man si SB Member Augusto Tolentino, bag-ong pungko nga Sangguniang Bayan Member it Banwa. Ginpa-abot nana nga kun may mga proposal halin sa MAFC hay ipasa eamang sa anang taeatapan agud ma-ubrahan it Resolusyon sa Konseho. Pila sa mga programang paga-ubrahon hay ro pagtukod it bantay dagat ag iba pa gid.