By: Doniel B Aguirre

Refer To: Ms. Fritzie Anne P Rillo, Information Office

Ginahinyo gid makaron nga mangin alerto ro mga naga-alaga it mga baboy sa Banwa it Kalibo, sa ginhimo nga Municipal Agricultural & Fishery Council MAFC meeting kahapon Hulyo 1, gintalakay ni Dr. Hilario ku Bureau of Animal Industry BAI iya sa Probinsya it Akean ro mga gina-ubra it Nasyong China sa mga alagang baboy nga ginka-kitaan it African Swine Fever ASF. Suno kay Hilario, maabong mga nasyon eon ro apektado it ASF kun sa siin pinaka-ulihing nai-rekord ro presensya kara sa nasyong Laos.

Ginpabutyag ku doktor nga kinahang-ean alerto gid ro tawo sa mga ginapadaeang ka Meat ag Meat Products halin sa guwa it Nasyon eabi gid kun nagahalin sa mga nasyon nga may ASF bangud sa kun may sambilog eamang ka produkto nga kontaminado hay ma-apektuhan gid ro Livestock it Banwang Kalibo ag Akean sa kabilugan, rason nga sigidas ro ginahimo nandang pag-kumpiska it mga Meat & Meat Products sa Kalibo International Airport. Rong ASF hay naga-apekto eamang sa baboy ngani indi man ma-apektohan ro tawo nga maga-kaon it baboy bukon it parehas sa Bird Flu nga apektado ro tawo nga maka-kaon. Ro sintomas it ASF hay kaparehas man sa Hog Cholera nga may makit-an nga Redish Skin Discoloration. Ro deperensya eamang hay may bakuna kontra sa Hog Cholera samtang ro ASF hay uwa it bakuna.  Buot hambaeon nga uwa it bueong sa ASF kundi iga-eubong gid ro apektadong baboy. Rong ASF hay highly contagious o kun madasig nga mag-aepta.

Gindugang pa gid ni Dr. Hilario nga ro Nasyong Pilipinas hay Top 8 nga Pork Producer sa Kalibutan, rong Region 6 man hay Top 3 sa Swine Production ag Rank 5 sa produksyon it pork iya sa lokal.